بالعامى الفصيح

حنتكلم النهاردة عن شوية أنواع للبنى آدمين علشان كده حندردش بالعامية
فيه نوع يعتبر مشتق من فصيلة "الغبى اجتماعيا"، بس مش غبى أوى و مش غبى دايما، عنده حتة أنانية كده مع حبة اهتزاز فى الثقة بالنفس و عشان هو بيحب تكبير الدماغ و مش بيحب يشيل مسؤولية حاجة غير اللى على كيفه و عشان يغلوش على حبة اللخبطة اللى جوه.... دييييب فى وشك، ديييب كلام عك، ديييب عصبية   صوت عالى و نظرات حادة... الحقيقة هو ضعيف و النوع التانى زى ما بيلعب بكتير من الأنواع بيلعب بيه على كيفه و بيستغل النقط دى لصالحه..

النوع التانى بقى "مدرسة" تقعد قدامه كده و تتعلم.. عنده "استراتيجية الماريونت"، كل شخصية عنده مربوطة بخيط، و الخيوط كلها فى إيده، مستحيل يفسد علاقته "بالماسورة الأم" و دى  مصدر الدعم أيا كان نوعه، و  باقى الأشخاص حسب الموقف و ما يستدعيه من شد و جذب، عنده قدرة خارقة على قلب الموقف لصالحه رأسا على عقب مع ميزة تناسى الحاجات اللى ليها ثقل و أهمية كبرى و التركيز  على الرفايع عشان هى اللى مضايقاه دلوقتى مع الثورة العارمة إذا قرر أحد الأطراف إنه يدوقه من "نفس كاسه"، طب ليه كده ما تدوق ده حلو خالص 😃  . و لازم يبقى اللى عنده أسوأ من اللى عندك بأى صورة من الصور،و لو أخطأت سنتك سودة يا حلو. المهم هو الصح و دايما كسبان. ذكى  اوى الجدع ده.

فيه بقى الجبان المتلاعب. ما يحبش يواجه أبدا و استاذ تجاهل من الطراز الأول. سهل اوى يقولك كلام و من وراك يقول عكسه للطرف اللى كان بيكلمك عليه 
المهم يبقى حلو و جميل. شايف نفسه ضحية طول الوقت و بيتملص من المسؤولية و يحب اوى يرمى  على غيره. النقد عنده هواية جزء كده من شخصيته لا يتجزأ.

فيه بقى النوع اللى ماتعرفلوش مالكة 😃. كل شوية برأى و كل شوية بموقف. من كتر ما كلامه عكس بعضه بتحس إنك فيك حاجة غلط و لازم تتعالج.     
 فيه بقى "النوع الحبوب"، محبوب الجماهير، لسانه بينقط عسل و على طول صعبان عليه نفسه. كيوت كده و على طول بيشتكى، الحلول قدامه بس هو كيوت ما يقدرش يعملها. الحقيقة الضربة منه "كرباح" 
 و فى النوع "2*1"، يطلع عين اللى معاه فى اللى على هواه، و فيما عدا ذلك فهو مهمل إهمال مستفز و مكبر الجمجمعة على الآخر. مسيطر كده و عامل دوششة طول ماهو موجود،معتد بحاله و بيعشق الكلام عن نفسه و الفزلكة. يعمل للريس "البحر طحينة"  و يأكلها للمرؤوس 😄 
 و فى النوع العيل " ياراجل يا عيل"، بيصغر مخه على أتفه الأمور. هو حويط و بيعرف يفهم الناس و لما يجى يديلك الضربة يبقى مبتسم و هاااادى .                                                                                                                                                           حنكمل باقى الأنواع فى البوست الجاى               

Comments

Post a Comment

Popular posts from this blog

قبل أن تخدع ذاتك

Image
بين الفينة والأخرى ، أصاب بالإحباط كحال كل من يحاول أن يحدث تغييراً ، أن يبدع و ينفث الريح  فى المياه الراكده علها تكشف عما يختبئ أسفلها. تعودت أن أتصادم بشكل مستمر مع أفكارى و ألا أتشبث بقناعة ما طوال الوقت،فالهدف هو تحرى الصواب لا التمسك بفكرة ما من باب العند والكبر، لذلك يعمل عقلى بشكل مستمر حتى يجهد تماماً و يتوقف فجأة! وبما أننى لا أستسلم عادة لحالة الركود تلك قررت أن أكتب ثانية و أن أقوم برمى الجمرات على تلك البالوعات علّها تنغلق، لأن عملية تطهيرها تبدو كمهمة مستحيلة إن لم يتكاتف الجميع و بما أن الجمع قد اتفق على التناحر و وضع الأقفال الصدئة على العقول، إذن فلنحاول أن نقوم بخنق تلك البالوعات بأكبر عدد ممكن من الجمرات. لقد أثبت ؛على مدار الأعوام التى تواجدت فيها على البسيطة، فشلى فى خداع الذات و الذى يقوم به الكثيرون بمنتهى الاحتراف حتى يبلغ بهم الأمر إلى تصديق تلك الخدعة بل و ينغمسون فيها حتى تتحول إلى حقيقة. لم أتمكن من التأقلم، واستأنفت رحلة التصادم حتى اللحظة التى أخط فيها تلك الكلمات، كما اكتسبت الشجاعة كى أعبر عن ذاتى فأعترف بأننى شخص انطوائى، حتى وإن بدا...
Read more

عن فراشة الريم

Image
دينا الدخس 03/26/2018 - 12:00 لن ندرك كم أثرنا فى الغير، و كمّ من تأثروا بنا حتى و إن لم نلقاهم قط. لن أنعى من تمكن من قهر ما يكسر ظهر الجميع من مرض و خذلان و آلام و احتلال، بل سأقف لروحها إجلالاً و امتناناً لما كانت دوماً تذكرنى به. إلى فراشة الريم التى أفجعتنى        إلى الفكرة التى لا تموت إلى امرأة حاربت و تحاربت وجاء المرض ليتآمر مع الأعداء عليها فما استكانت و ما خضعت إلى أيقونة لجمال حقيقى تذكرنى دوماً كم أشبهها و تخجلنى من ذاتى عندما أشعر بيأس و يشتد الألم بى فأوشك على فقدانى للأمل كل صباح، تفتحين نافذتيك على الحياة، على شمس يوم جديد تسدل آشعتها الدافئة على وجنتيك فتزينهما بحمرة الأرض الطاهرة، ترسلين ترانيمك للكون صلوات يتردد صداها خلفك. تتركين لنا بذرتك لتخلفك و لتخلد الفكرة، فكرة امرأة تناضل و البسمة على وجهها، فكرة أم تكافح من أجل غد أفضل لأبنائها، فكرة فنان عاشق للحرية عشقه لتراب الوطن. حتى عندما يجن الليل و تسرحين فى أفكارك و مخاوفك، لا يستسلم الثائر بداخلك، تغمضين عينيك و تحلمين ب...
Read more

المُرتَحِلون والساكنون خوفاً

Image
قضى عمره ساكناً، خائفاً من المجهول،متردداً فى اتخاذ القرارات، يهاب التغيير و يتساءل بلا توقف لماذا أنا. ظل يسوف حتى اعتاد مرور و فرار الفرص و تملص الأحداث الهامة، و نسى وسط تلك الوساوس أن يحيا. تمرس فى أن يثقل كاهل الآخر الحالم، المفعم بالفن و الحب و الحياة بانتقادات لاذعة لكل ما يقوم به وصلت إلى حد الاستهانة بما يحقق و السخرية منه، حتى تمكن من إخراج أسوأ ما فى الحالم و فقد حتى احتمالية وجود أرض مشتركة تجمعهما. من السذاجة تصنيف البشر إلى بضع أنواع جامدة الأطر، حيث أن السمة الأساسية بيننا جميعاً هى الاختلاف و التباين فى الصور و البنيان و الأذواق، و الأفكار، و المشاعر و درجة رهافة الحس ، و البصيرة … إلخ، لذلك لا أؤمن بالتصنيفات الجامدة، و أرى أن كل نوع يحمل تفاوتاً داخلياً يجعل من العسير وضع تصنيفات متحجرة تحاول قولبة البشر بلىِّ الذراع. لذلك، سأتحدث فقط عن نوعين بعينهما و بشكل عام، لأنهما عجزا عن خلق مساحة مشتركة بينهما على أرض الاختلاف. جانٍ هو ميراث مجتمعاتنا. لا يستطيع أحد أن يشير بأصابع الاتهام إلى شخص بعينه ليتحمل مسؤولية هذا الميراث اللعين من أفكار أدت إلى تخلفنا ليس اقتصا...
Read more